PM Awas Yojana 2024: PM આવાસ યોજનામાં કોણ અરજી કરી શકે? જાણો ઓનલાઇન અરજી કરવાની સંપુર્ણ પ્રોસેસ

PM Awas Yojana 2024: મોદી કેબિનેટે તેની બેઠકમાં પ્રધાનમંત્રી આવાસ યોજના (PMAY) હેઠળ ગ્રામીણ અને શહેરી ગરીબો માટે 3 કરોડ ઘર બનાવવાની યોજનાને મંજૂરી આપી છે. આ નિર્ણય નવી નરેન્દ્ર મોદી સરકારની પ્રથમ બેઠકમાં લેવામાં આવ્યો હતો.

PM Awas Yojana 2024: મોદી કેબિનેટે તેની બેઠકમાં પ્રધાનમંત્રી આવાસ યોજના (PMAY) હેઠળ ગ્રામીણ અને શહેરી ગરીબો માટે 3 કરોડ ઘર બનાવવાની યોજનાને મંજૂરી આપી છે. આ નિર્ણય નવી નરેન્દ્ર મોદી સરકારની પ્રથમ બેઠકમાં લેવામાં આવ્યો હતો જે તેમના નિવાસસ્થાન 7 લોક કલ્યાણ માર્ગ પર યોજાઈ હતી.

પ્રધાનમંત્રી આવાસ યોજના શું છે? – PM Awas Yojana 2024

PM Awas Yojana 2024 (PMAY) ભારત સરકારની એક મહત્વપૂર્ણ યોજના છે, જેનો મુખ્ય હેતુ દેશમાં રહેણાકની સમસ્યાનો નિરાકરણ લાવવાનો છે. આ યોજના 2015માં પ્રધાનમંત્રી નરેન્દ્ર મોદી દ્વારા શરૂ કરવામાં આવી હતી. PMAYનો મુખ્ય ઉદ્દેશ દરેક વ્યક્તિને પોતાના ઘરની સુવિધા પ્રદાન કરવો છે, અને ખાસ કરીને ગરીબ અને નબળા વર્ગો માટે આ યોજના ખૂબ જ લાભદાયી છે.

પીએમ આવાસ યોજના હેઠળ કોણ અરજી કરી શકે છે?

PM Awas Yojana 2024 (PMAY) હેઠળ, નીચેના શરતોને પૂર્ણ કરતી વ્યક્તિઓ અરજી કરી શકે છે:

• અરજદાર ભારતનો નાગરિક હોવો જરૂરી છે.
• અરજીકર્તા અથવા તેના પરિવારમાંના કોઈ સભ્યના નામે અગાઉથી કોઈ ઘર ન હોવું જોઈએ.
• અરજીકર્તાની ઉંમર 18 વર્ષથી વધારે અને 70 વર્ષથી ઓછી હોવી જોઈએ.
• આવક મર્યાદા:
  • આર્થિક રીતે નબળો વર્ગ (EWS): પરિવારની વાર્ષિક આવક 3 લાખ રૂપિયાથી ઓછી હોવી જોઈએ.
  • નિમ્ન આવક જૂથ (LIG): પરિવારની વાર્ષિક આવક 3 લાખ રૂપિયાથી 6 લાખ રૂપિયાની વચ્ચે હોવી જોઈએ.
  • મધ્યમ આવક જૂથ (MIG-I): પરિવારની વાર્ષિક આવક 6 લાખ રૂપિયાથી 12 લાખ રૂપિયા સુધીની હોવી જોઈએ.
  • મધ્યમ આવક જૂથ (MIG-II): પરિવારની વાર્ષિક આવક 12 લાખ રૂપિયાથી 18 લાખ રૂપિયા સુધીની હોવી જોઈએ.
• વિધવા અથવા પલાયન કરેલ મહિલાઓ, અનુસૂચિત જાતિ અને અનુસૂચિત જનજાતિ, અન્ય પછાત વર્ગો, દિવ્યાંગ લોકો, ટ્રાન્સજેન્ડર લોકો અને વરિષ્ઠ નાગરિકો જેવા નબળા વર્ગના લોકોને પ્રાથમિકતા આપવામાં આવે છે.

આપેલ પાત્રતા માપદંડોને પૂર્ણ કરીને અને જરૂરી દસ્તાવેજો સાથે અરજી કરવાથી PMAY હેઠળ લાભ મેળવી શકાય છે.

પ્રધાન મંત્રી આવાસ યોજના વીશે વિગતવાર માહિતી માટે અહી ક્લિક કરો

PM આવાસ યોજનામાં ઓનલાઇન અરજી કેવી રીતે કરવી?

• સૌ પ્રથમ PM Awas Yojana 2024 ની ઓફિસિયલ વેબસાઇટ pmaymis.gov.in પર જાઓ.
• PMAY વેબસાઇટના મેનુમાં “Citizen Assessment” વિકલ્પ પર ક્લિક કરો.
• હવે Citizen Assessment મેનૂ હેઠળ “Benefit under other 3 components” વિકલ્પ પસંદ કરો.
• “Aadhaar Number” અથવા “Virtual ID” નંબર અને નામ દાખલ કરો અને “Check” બટન પર ક્લિક કરો.
• જો તમારું આધાર નંબર માન્ય છે, તો તમે આગળની પ્રોસેસ પર જઈ શકો છો.
• તમારું નામ, પરિવારમાં સભ્યોની સંખ્યા, સંબંધી વિગતો, સંપર્કની માહિતી, હાલમાં તમે જ્યાં રહેતા હોવ તે સરનામું વગેરે માહિતી દાખલ કરો.
• તમારી આવકની માહિતી અને અન્ય જરૂરી માહિતી (જેમ કે વર્ષિક આવક, મકાનની માહિતી) દાખલ કરો.
• I am aware of… ચેકબોક્સ પર ટીક કરીને કેપ્ચા દાખલ કરો અને “Save” બટન પર ક્લિક કરો.
• તમારું અરજી ફોર્મ સબમિટ થઈ જશે અને તમને એક એપ્લિકેશન નંબર આપવામાં આવશે.
• ભરેલા PMAY અરજી ફોર્મ ડાઉનલોડ કરો અને પ્રિન્ટ કઢાવી લો.
• આ પછી તમારા નજીકના કોમન સર્વિસ સેન્ટર (CSC) અથવા નાણાકીય સંસ્થાઓ/બેંક પર જાઓ અને જરૂરી દસ્તાવેજો સાથે અરજી ફોર્મ સબમિટ કરો.
• આ પછી તમે એસેસમેન્ટ આઈડી અથવા નામ, પિતાનું નામ અને મોબાઈલ નંબર દ્વારા તે જ વેબસાઈટ પર તમારી PMAY અરજીનું સ્ટેટસ ઓનલાઈન ટ્રેક કરી શકો છો.