Smartphone Sahay Yojana 2024: ખેડુતોને મોબાઇલ ખરીદવા માટે 6,000/- રુપિયાની સહાય મળશે.

Smartphone Sahay Yojana 2024 ગુજરાતના કૃષિ, ખેડૂત કલ્યાણ અને સહકાર વિભાગ દ્વારા શરૂ કરવામાં આવેલી છે. જે ખેડૂતો સ્માર્ટફોન સહાય યોજનાનો લાભ લેવા માગતા હોય, તો તે ખેડૂતોએ ઓનલાઇન અરજી આઇ ખેડૂત પોર્ટ (Smartphone Scheme 2023) ઓફિસિયલ વેબસાઈટ પરથી રજીસ્ટ્રેશન કરવાનું રહેશે, જેના વિશે વિગતવાર માહિતી આગળ મેળવીશુ.

Smartphone Sahay Yojana 2024: ખેડુતોને મોબાઇલ ખરીદવા માટે 6,000/- રુપિયાની સહાય મળશે

યોજનાનો હેતુ – Purpose of Smartphone Sahay Yojana 2024

• ગુજરાતના ખેડૂતોને ડિજિટલ સશક્તિકરણ દ્વારા આધુનિક ખેતી પદ્ધતિઓ સાથે જોડવા અને તેમની આર્થિક સ્થિતિમાં સુધારો લાવવો.
• આ યોજના અંતર્ગત ખેડૂતોને સ્માર્ટફોન ઉપલબ્ધ કરાવવામાં આવે છે, જેનાથી તેઓ મોસમની આગાહી, પાકના બજાર ભાવ, અને નવી ખેતી પદ્ધતિઓ જેવી મહત્વપૂર્ણ માહિતી મોબાઇલ દ્વારા ઘરે બેઠા મેળવી શકે છે.
• ઉપરાંત, આ સ્માર્ટફોનમાં વિવિધ કૃષિ એપ્લિકેશન્સ અને ડિજિટલ સેવાઓ પ્રી-ઇન્સ્ટોલ કરવામાં આવે છે, જેનાથી ખેડૂતોએ કૃષિ નિષ્ણાતો અને સરકારી યોજનાઓનો લાભ લઈ શકે છે.
• આ પ્રયોગથી ખેડૂતોએ વિજ્ઞાન આધારિત ખેતીની પદ્ધતિઓ અપનાવીને ઉત્પાદનક્ષમતા વધારો થાય, ઉત્પાદન ખર્ચ ઘટાડવો અને વધુ નફો મેળવવો છે.

યોજના હેઠળ કોને લાભ મળશે? – Smartphone Sahay Yojana 2024

જે ખેડૂત ગુજરાતનો હોય અને તે Smartphone Sahay Yojana 2024 નો લાભ લેવા માંગતા હોય તો તેમને નીચે આપેલી બધી જ પાત્રતા ધરાવતા હોવા જોઈએ, તો જ તે આ યોજનાનો લાભ લેવા માટે અરજી કરી શકે છે.

• અરજદાર ગુજરાત રાજ્યનો હોવો જોઈએ.
• અરજીકર્તા ફરજિયાત ખેડૂત હોવો જોઈએ.
• ખેડૂત ખાતેદાર એક કરતાં વધુ ખાતા ધરાવતા હશે તો પણ ફક્ત એક જ વાર સહાય મળશે.
• આ યોજના હેઠળ એક પરિવારના એક જ સભ્યને લાભ મળે તે માટે દરેક પરિવારના એક જ સભ્યને આ યોજનાનો લાભ આપવામાં આવે છે.

કેટલી સહાય મળશે? – Smartphone Sahay Yojana 2024

• હવે આ યોજના હેઠળ સહાયની કિંમતમાં વધારો કરવામાં આવ્યો છે. જેમ કે અગાઉ 10% સહાય મળતી હતી. જે હવે 40 % સહાય મળશે.
• ખેડૂત દ્વારા ખરીદવામાં આવતા સ્માર્ટફોમાં 15,000 સુધીના સ્માર્ટફોન પર સહાય મળવાપાત્ર થશે.
• ખેડૂત સ્માર્ટફોનની ખરીદ કિંમતના 40% સુધી અથવા રૂપિયા 6000/- બે માંથી જે ઓછું હોય તે સહાય મળશે.
• આ સહાય ફક્ત સ્માર્ટફોનની ખરીદી માટે જ રહેશે.
• સ્માર્ટફોન સિવાય અન્ય એસેસરીઝ જેવી કે બેટરીબેક અપ, ઈયર ફોન, ચાર્જર જેવા સાધનોનો સમાવેશ થશે નહીં.

દા.ત. : કોઈ ખેડૂત 8000/- ની કિંમતનો સ્માર્ટફોન ખરીદે તો ખરીદ કિંમતના 40% મુજબ રૂ.3200 ની સહાય મળશે. અથવા કોઈ ખેડૂત રૂ.16,000/- ની કિંમતનો Smartphone ખરીદે તો 40% લેખે રૂ.6400/- થાય પરંતુ નિયમોનુસાર રૂ.6000/- ની સહાય મળવાપાત્ર થશે.

જરુરી દસ્તાવેજ – Important Document Smartphone Sahay Yojana 2024

ખેડુત Smartphone Sahay Yojana 2024 માં અરજી કરવા માટે નીચેના ડોક્યુમેન્ટ્સ જરૂરી છે:

• આધાર કાર્ડ
• 7/12 અને 8-અના ઉતારા
• પાસબુકની નકલ
• રદ કરેલ ચેકની નકલ
• પાસપોર્ટ સાઇઝનો ફોટો
• મોબાઈલ નંબર
• રેશન કાર્ડ
• સ્માર્ટફોન ખરીદી કરેલ હોવા અંગેનું GST નંબર ધરાવતું અસલ બિલ
• મોબાઈલનો IMEI નંબર

ખેડૂત સ્માર્ટફોન યોજના હેઠળ ખરીદીના નિયમો

Smartphone Sahay Yojana 2024: લાભાર્થી ખેડૂત દ્વારા નિયમોનું પાલન કરનાર ખેડૂતને સહાય આપવામાં આવશે. સહાય મેળવવા માટે નિયમો નીચે મુજબ છે.

• આ યોજનાનો લાભ લેવા માટે આઈ ખેડૂત પોર્ટલ પરથી ઓનલાઈન અરજી કરવાની રહેશે.
• ઓનલાઈન અરજી કર્યા બાદ તાલુકા અમલીકરણ અધિકારીશ્રી દ્વારા પૂર્વ મંજૂરી આપવામાં આવશે.
• મંજુર થયેલ અરજીઓની જાણ SMS/ઈ-મેઈલ કે અન્ય વ્યવસ્થા દ્વારા જાણ કરવામાં આવશે.
• આ યોજના માટે પસંદ થયેલા લાભાર્થીઓને પૂર્વ મંજૂરીના આદેશથી દિન-15 માં સ્માર્ટફોનની ખરીદી કરવાની રહેશે.
• નિયત સમયમાં સ્માર્ટફોનની ખરીદી કર્યા બાદ લાભાર્થી ખેડૂતે અરજીપત્રકમાં સહી કરવાની રહેશે
• સહી કરેલ પ્રિન્‍ટઆઉટ સાથે અન્ય તમામ ડોક્યુમેન્ટ સાથે ગ્રામસેવક/ વિસ્તરણ અધિકારી/ તાલુકા અમલીકરણ અધિકારીશ્રી પાસે જમા કરવાના રહેશે.
• આ યોજના અમલમાં આવ્યા બાદ નિયત સમય મર્યાદામાં સ્માર્ટફોન ખરીદીનું બિલ રજૂ કરવાનું રહેશે.

મહત્વની લિંક

• ઓફિસિયલ વેબસાઇટ: https://ikhedut.gujarat.gov.in/
• ઓનલાઇન અરજી કરવા માટે: અહી ક્લિક કરો
• વધુ યોજનાકિય માહિતી મેળવવા માટે: અહી ક્લિક કરો

અરજી કેવી રીતે કરવી? – How to Apply Smartphone Sahay Yojana 2024?

Smartphone Sahay Yojana 2024: ઓનલાઇન અરજી કરવા માટે સ્ટેપ બાય સ્ટેપ પ્રોસેસ નિચે આપેલ છે જે અનુસરીને અરજી કરી શકો છો.

• અરજી કરવા માટે સૌ પ્રથમ “ikhedut Portal” પર જાઓ.
• આઈ ખેડૂત પોર્ટલ વેબસાઈટમાં Home Page પર “યોજના” પર દેખાશે તેના પર ક્લિક કરવાની રહેશે.
• ઓફિશિયલ વેબસાઈટ પર યોજના પર ક્લિક કર્યા પછી નવું પેજ ખૂલશે જેમાં “ખેતીવાડી ની યોજનાઓ” પર ક્લિક કરવાનું રહેશે.
• હવે રાજ્યના ખેડૂતો દ્વારા ખરીદવામાં આવતા સ્માર્ટફોન સહાય આપવાની યોજના પર ક્લિક કરીને આગળ પ્રક્રિયા ચાલુ રાખવાની રહેશે.
• જેમાં “Khedut Smartphone Sahay Yojana 2024” યોજનામાં “અરજી કરો” તેના પર ક્લિક કરો.
• જો તમે ikhedut portal પર રજીસ્ટર આગાઉ કરેલું હોય તો “હા” સિલેકટ કરવાનું રહેશે અને રજીસ્ટેશન નથી કર્યું તો “ના” કરવાનું રહેશે.
• લાભાર્થી ખેડૂત દ્વારા ikhedut પર રજીસ્ટ્રેશન કરેલું નથી તો ‘ના’ પસંદ કરીને ઓનલાઈન એપ્લિકેશન કરવાની રહેશે.
• ખેડૂત લાભાર્થી દ્વારા Smartphone Sahay Yojana ની સંપૂર્ણ માહિતી પછી તેની ચકાસણી કર્યા બાદ “અરજી સેવ કરો” તેના પર ક્લિક કરવાનું રહેશે.
• આ યોજનામાં ઓનલાઈન ભરેલી માહિતીની પૂરેપૂરી ચોક્ક્સાઈ કર્યા બાદ Application Confirm કરવાની રહેશે.
• લાભાર્થી દ્વારા ઓનલાઈન અરજી એક વાર કન્‍ફર્મ કર્યા બાદ Application Number માં કોઈ સુધારો કે વધારો થશે નહિં.
• ખેડૂત લાભાર્થીએ Online Application કર્યા બાદ પોતાની અરજીના આધારે પ્રિ‍ન્‍ટ કઢાવાની રહેશે.
• અરજી પ્રિન્‍ટ કરીને જરૂરી સહિ અને સિક્કા કર્યા બાદ આપના વિસ્તારના ગ્રામ સેવક તથા સંબંધિત તાલુકા વિસ્તરણ અધિકારી(ખેતી) ડોક્યુમેન્‍ટ સાથે આપવાની રહેશે.